Isip pagsuporta ug pagpalambo sa pagtinabangay uban ang simabahan og komunidad, gipahigayon ang launching sa Revitalized KASIMBAYANAN (Kapulisan, Simbahan, Pamayanan) Oktubre 25, sa Dapitan City Cultural and Sports Center.
Ang panagtigum gipanguluhan ni PLTCO. Philmore D. Dumagat, Acting Chief of Police sa Dapitan City Police Station, inubanan ni Konsehal Atty. Claver Pajaren.
Sa maong kalihokan nipirma sa Pledge of Commitment ang mga representante sa lain-laing kapunungan sama sa mga simbahan, Task Force Kasama Police Community Relation, PRIMO, mga tanod sa nagkadaiyang barangay, Department of the Interior and Local Government (DILG), mga kapitan sa poblacion, ug ang City Advisory Group Police Transformation and Development Council.
Sa mensahe ni PLTCOL Dumagat, “Public safety is everyone’s concern and everyone’s responsibility”. Nanghinaot usab ang maong PNP Chief, sa paghigugma sa serbisyo sama sa paghigugma sa pamilya.
(Source: Dapitan City Information Division Facebook page)