Gipangulohan sa LGU Liloy pinaagi sa LDRRMO Liloy, sa koordinasyon sa Philippine Coast Guard Salug Sub-Station, ang hapsay nga pag-turn over kang Than Zaw Hiwe, 47, nga naluwas nga Myanmar national ug crew member sa MV THERESA ORION, ngadto sa iyang ahensya nga PANDIMAN Philippines, Inc.
Human maluwas sa FV MOMAR ug ma-assess sa Liloy Integrated District Hospital, pormal nga giturn-over si Than Zaw Hiwe ngadto sa iyang ahensya alang sa hustong tabang ug sunod nga mga lakang.
Nakigtambayayong sa maong turnover ang LDRRMO Liloy, Philippine Coast Guard Salug Sub-Station, FV MOMAR ug PANDIMAN Philippines, Inc. aron masiguro ang hapsay nga pag-atiman ug pagbalhin sa rescued crew member.
Nagpasalamat ang LDRRMO Liloy sa tanang ahensya ug grupo nga mitabang sa rescue ug turnover, nga nagpakita sa importansya sa koordinasyon tali sa mga responder sa panahon sa maritime emergency.(JENIFFER JR. DELICA)
Source: LDRRMO Liloy