Gipahigayon ni DILG IX Regional Director Pablo L. Benitez Jr., PhD, CESO V, ang supervisory visit sa LGU Rizal, Zamboanga del Norte, alang sa pakig-istorya ug koordinasyon uban sa mga lokal nga opisyal ug personnel.
Kauban ni Benitez sa pagbisita sila Assistant Regional Director Engr. Carmelo Enrique B. Libot, CESO V, Provincial Director Mario A. Baterna, OIC-LGMED Chief Elmer L. Egama ug MLGOO Lenin Marc H. Ramos. Nakigpulong sila sa mga opisyal ug empleyado sa LGU kabahin sa pagpalig-on sa lokal nga pangdumala.
Gidawat sa LGU Rizal delegation ni Mayor Marissa D. Manigsaca, Vice Mayor Jose B. Salac, mga miyembro sa Sangguniang Bayan ug mga empleyado sa munisipyo. Nahimong higayon usab ang maong pagbisita aron mapalig-on ang komunikasyon ug koordinasyon tali sa DILG ug lokal nga pangagamhanan.
Pinaagi sa supervisory visit, gipadayon sa DILG IX ang direktang pakig-uban sa mga LGU sa rehiyon aron mapalig-on ang ilang kapasidad ug mapauswag ang paghatag og serbisyo publiko. Nagpasalamat usab ang LGU Rizal sa DILG IX alang sa padayong suporta ug pakigtambayayong.(JENIFFER JR. DELICA)
Source: DILG Region IX