Napili ang mga representante sa nagkalain-laing Civil Society Organizations (CSOs) nga molingkod sa mga Local Special Bodies sa siyudad atol sa usa ka kalihokan nga gipahigayon sa ikaduhang andana sa Social Hall sa City Hall.
Gipangulohan ang maong aktibidad sa City Cooperative and Development Office, diin gihatagan og kahayag ang proseso sa pagpili ug gipasiugda ang dakong papel sa CSOs sa pagpalig-on sa partisipatibo ug inklusibong pangagamhanan sa lokal nga lebel.
Tumong sa maong pagpili nga masiguro nga ang tingog sa komunidad madungog ug maapil sa mga desisyon nga makaapekto sa kalamboan sa siyudad.
Pinaagi niini, mas mapalapdan ang partisipasyon sa katawhan sa pagplano, paghimo og polisiya, ug pagpatuman sa mga programa sa lokal nga pangagamhanan.(IKEN B. GULLEM)
Source: Dipolog City Government
Sent from Outlook for Android