Gipahigayon sa Department of Agrarian Reform (DAR) ang regional deliberation alang sa mga aplikante sa probinsya kaniadtong Enero 8, 2026, isip kabahin sa patas ug merit-based nga proseso sa pagrekrut sa ahensya.
Tumong sa kalihokan ang pagpili sa labing angay nga mga indibidwal nga mopuno sa bakanteng posisyon aron suportahan ang mandato sa DAR sa agrarian justice ug malungtarong kalamboan sa kabanikanhan.
Atol sa deliberation, maampingong gisusi sa Selection Board ang kahimtangan sa mga aplikante, lakip ang ilang kahanas, teknikal nga kahibalo, mga bili, ug kahandam sa pag-alagad sa publiko.
Gipangulohan ang deliberation sa Regional Human Resource Merit Promotion and Selection Board (RHRMPSB) nga gilangkuban ni Chairperson ARDA Rizzel B. Villanueva, Vice Chairperson Engr. Agnes Y. Maata, CESO IV, RCAO Ma. Socorro Reambonanza, DAREA Representative Suzette Lota, Regional HRMO Melanie C. Bokingkito, ug PARPO II Daisy Dell Suan Digamon.
Sumala sa DAR, ang maong inisyatiba nagpalig-on sa ilang tinguha sa usa ka transparent, patas, ug base sa merito nga pagpili sa mga kawani aron mas epektibong mahatagan og serbisyo ang mga benepisyaryo sa agrarian reform.(IKEN B. GULLEM)
Source: DAR ZAMBONORTE