Nahitabo ang usa ka pagdahili sa mga basura alas 4:23 sa hapon niadtong Enero 8, 2026 sa Prime Waste Solution Landfill sa Sitio Kainsikan, Barangay Binaliw, Cebu City. Tungod niini, daghang trabahador ang naipit sulod sa apektadong lugar.
Dali nga miresponde ang Cebu City Police Office pinaagi sa Police Station 8 nga gipangulohan ni PCPT Wilmer M. Castillo, uban sa Bureau of Fire Protection, Cebu City Disaster Risk Reduction and Management Office (CCDRRMO), mga emergency medical team, barangay responders, ug mga boluntaryo.
Gilusad dayon ang search, rescue, ug retrieval operations. Sumala sa update alas 9:40 sa gabii, siyam ka tawo ang narekober. Usa ang gideklarar nga patay pag-abot sa ospital, samtang walo ang nasamdan ug nagpadayon pang giatiman. Sa kasubo, 26 pa ka tawo ang padayong missing ug gipangita.
Kapin sa 291 ka personnel gikan sa Philippine National Police, lain-laing ahensya sa gobyerno, ug mga sibilya nga boluntaryo ang gipakatap aron motabang sa operasyon. Gigamit usab ang 19 ka ambulansya, 10 ka fire truck, ug uban pang rescue ug medical equipment.
Matod ni PCOL George V. Ylanan, Officer-in-Charge sa CCPO, ang ilang unang prayoridad mao ang kaluwasan ug pagluwas sa mga missing. Giingnan usab niya ang publiko nga magpabiling kalmado, likayan ang apektadong lugar aron dili makababag sa responders, ug mosalig lamang sa opisyal ug tinood nga impormasyon.
“Our priority at this time is the safety and rescue of those who are still missing. All available PNP units, together with our partner agencies, are working continuously and exerting maximum effort to locate and assist the victims. We extend our deepest condolences to the family of the deceased and assure the public that we will not stop until all missing persons are accounted for”.
Magpagawas pa og dugang nga update ang mga awtoridad sa higayon nga adunay bag-ong kalamboan.
Source: CCPO
I via Renante Socia Lada