Gisusi sa Revitalized Pulis sa Barangay (R-PSB) team sa Zamboanga del Norte 2nd Provincial Mobile Force Company (ZN 2nd PMFC) ang kahimtang ug panginahanglan sa mga target beneficiaries sa R-PSB Program sa Barangay Morob niadtong Agosto 21, 2026.
Pinaagi sa community profiling ug socio-economic assessment, nangolekta ang team og baseline information bahin sa demograpiya, social conditions, ug panginabuhian sa mga giilang benepisyaryo sa programa.
Ubos sa pagpangulo ni Force Commander PLTCOL Edwin D. Verzon, gitutokan sa assessment ang pag-ila sa mga prayoridad nga panginahanglan sa mga benepisyaryo aron mahimong mas tukma ang pagplano sa mga programa ug intervention.
Gamiton ang makolektang impormasyon sa paggiya sa mga ahensya sa gobyerno sa paghatag og angay nga serbisyo, lakip ang livelihood ug community development initiatives.
Ang assessment kabahin sa paningkamot sa R-PSB nga mapalig-on ang koordinasyon sa nagkalain-laing ahensya ug masiguro nga ang mga programa sa komunidad ibase sa aktuwal nga kahimtang ug panginahanglan sa mga benepisyaryo.
Pinaagi sa maong kalihokan, gitinguha sa R-PSB nga mapalambo ang pagplano ug paghatag og sustainable nga suporta sa mga benepisyaryo sa Barangay Morob.(IKEN B. GULLEM)
Source: PNP Zamboanga del Norte 2nd PMFC