Daghang mga aspiring scholar ang misalmot og mipartisipar sa qualifying examination alang sa City Scholarship Program, kagahapong adlawa Abril 19, 2026 didto sa Zamboanga del Norte National High School Main Campus sa Barangay Estaka.
Gikan sa nagkadaiyang barangay sa siyudad, ang mga aplikante mipahigayon sa pagsulay isip kabahin sa proseso sa pagpili sa mga mahimong benepisyaryo sa maong scholarship program. Gipailalom sila sa eksaminasyon aron masukod ang ilang kahibalo ug kahimtang isip potensyal nga iskolar sa lungsod.
Mitabang sa maayong pagpadagan sa kalihokan si SPMU Coordinator Ms. Leonor R. Rabino, nga nahimong usa sa mga facilitator sa eksaminasyon.
Matud sa lokal nga panggamhanan, ang programa nagpadayon nga nagtinguha sa pagpalapad sa kahigayunan sa edukasyon ug paghatag og suporta sa mga takus nga estudyante sa Dipolog City.(IKEN B. GULLEM)
Source: Dipolog City Government