Gipalig-on sa Punta National High School ang kahibalo sa mga estudyante ug personnel bahin sa kaluwasan ug seguridad pinaagi sa usa ka Safety and Security Awareness Session sa wala pa ang pagsugod sa ikaduhang adlaw sa Term 1 Examination.
Gipaambit ni PLT COL Khisna B Asaali, Chief of Police, ang importanteng pahimangno ug giya alang sa pagpabiling luwas sa sulod ug palibot sa eskwelahan.
Gipasiugda sa maong kalihokan ang kahinungdanon sa pagkamabinantayon, pagkaandam, kooperasyon ug hiniusang responsibilidad aron mapadayon ang luwas ug seguradong learning environment.
Gipahinungod usab ang mensahe nga ang kaluwasan sa eskwelahan dili lamang responsibilidad sa kapulisan o school authorities, kondili usa ka hiniusang katungdanan sa mga estudyante, magtutudlo, ginikanan ug tibuok school community.
Gipasalamatan sa Punta National High School si PLT COL Asaali sa iyang panahon ug paggiya, ingon man sa iyang padayong paningkamot sa pagpalig-on sa kaluwasan ug seguridad sa komunidad sa eskwelahan.(IKEN B. GULLEM)
Source: PUNTA NATIONAL HIGH SCHOOL