DIPOLOG CITY — Gisugdan sa Provincial Project Monitoring Committee sa Zamboanga del Norte ang 2026 project monitoring pinaagi sa ilang 1st Quarter Meeting nga gihimo karong Enero 29 sa Provincial Capitol, Dipolog City, ilawom sa liderato ni Governor Darel Dexter T. Uy.
Gipangulohan sa Acting Provincial Administrator Charmie A. Yu ang miting, uban sa mga provincial officials, area engineers, ug partner agencies, diin gipresentar sa Provincial Engineering Office ang kahimtangan sa mga proyekto sa 2025 ug ang mga bag-ong proyekto nga gisugdan karong 2026.
Gilaraw usab sa komite ang serye sa field inspections sa nagkalain-laing proyekto sa lalawigan aron masiguro ang kalidad sa trabaho, husto nga implementasyon, ug tin-aw nga paggamit sa pondo, isip kabahin sa padayon nga paningkamot sa probinsya sa episyente ug matinud-anong serbisyo publiko.(JENIFFER JR. DELICA)
Source: Zamboanga del Norte Provincial News Network