Nasakmit sa kapulisan ang mobalor sa kapin P130,000 na kantidad sa ilegal drugas gikan sa usa ka gi tag nga Street Level Individual (SLI) atol sa gikasa nga Joint drug buy-bust operation mga alas 7:25 ang takna sa kagabhion niadtong Enero 28, 2026 didto sa Barangay Miputak, ning dakbayan sa Dipolog.
Ang maong dinakpan nga drug suspek naila nga usa ka 45-anyos nga lalaki , minyo, restaurant cook, ug residente sa Poblacion North, Piñan, Zamboanga del Norte kinsa gidakop pinaagi sa mga personahe sa RDEU9 Team ZN Lead Unit, Dipolog CPS, ZDN MARITIME PS, ug sa koordinasyon sa PDEA9.
Nakumpiska gikan sa posesyon ug kontrol atol sa operasyon mao ang mga heat-sealed transparent plastic sachet nga adunay sa sulod sa gituohang shabu, usa ka P500 ka pesos nga kwarta isip buy-bust money ug uban pang mga butang nga dili druga.
Ang narekober nga mga ebidensya sa droga gibanabanang nga motimbang sa 20 gramos nga nagkantidad sa balor Php 136,000.00.
Ang mga nakumpiskang droga gitugyan ngadto sa ZDN Provincial Forensic Unit alang sa eksaminasyon, samtang ang nadakpang suspek anaa karon ubos sa protective custody sa Dipolog CPS alang sa hustong disposisyon.(MEDALYN U. BORJA)
Source: ZNPPO