Niabot na sa siyam ang aktibong pawikan nests sa hatchery sa Dipolog Boulevard human malampusong ma-translocate o mabalhin ang upat ka bag-ong napasang-at nga nests kaniadtong Nobyembre 25, 26 ug 27, 2025.
Sumala sa mga conservation personnel, gikinahanglan ang pagbalhin sa mga itlog aron masiguro ang ilang kahimtang ug malikayan ang posibleng kadaut gikan sa tawo, hayop, ug ubang hulga.
Nadiskobre ang mga bag-ong nests tungod sa paspas nga pagreport sa mga residente nga nakasaksi sa pagpang-itlog sa pawikan. Nagpasalamat ang grupo sa ilang pagpakabana ug kooperasyon, nga gitawag nilang usa ka hinungdanong bahin sa padayon nga paningkamot sa pagpanalipod sa pawikan sa syudad.(IKEN B. GULLEM)
SOURCE: DIPOLOG ENRO