Dipolog: Presidente Marcos mahidangat dinhi sa Zamboanga del Norte

0
7
photo credits to the owner

Andam na ang tanan alang sa pagbisita ni Presidente Ferdinand “Bongbong” Marcos, Jr. dinhi sa Zamboanga del Norte, ugmang adlawa, Mayo 24 aron sa paghatag sa mga luna ug farm machineries ngadto sa kapin 4,000 ka mga mag-uuma dinhi sa Zamboanga Peninsula.

Kini uban usab sa koordinasyon sa probinsyal nga buhatan sa Department of Agrarian Reform sa pagpangulo ni Provincial Agrarian Reform Program Officer Rizzel Villanueva ug sa kagamhanang probinsyal sa Zamboanga del Norte nga gipanguluhan ni Governor Rosalina “Nanay Nene” Jalosjos.

Sa nasayran gikan ni Provincial Agrarian Reform Program Officer Villanueva nga si Presidente Marcos uban ni DAR Secretary Conrado Estrella III mo-apud apud sa 7,214 ka ektarya sa luna ngadto sa 4,456 agrarian reform beneficiaries (ARB’s) niining higayona nga nagagikan sa probinsya sa Zamboanga del Sur, Zamboanga Sibugay ug Zamboanga del Norte.

Dugang ni PARO Villanueva nga adunay 4,956 certificates of land ownership awards (CLOAs) ang ihatag sa mga mag-uuma ugmang adlawa, diin 3,950 ka titulo ang nagagikan sa Support to Parcelization of Lands for Individual Titling (SPLIT) project sa DAR.

Samtang ang nahabilin 1,006 mao ang regular titles nga gi-issue ilawum sa comprehensive agrarian reform program.

Nasayran nga ang SPLIT project usa ka crucial initiative sa DAR alang sa pagbuak sa luna nga gihatag kaniadto sa ilawum sa collective certificates of land ownership awards (CCLOAs) ug a paghatag sa ARBs sa ilang tagsa-tagsa nga titulo.

Kini nga lakang nagtumong alang sa pagseguro sa klaro nga property rights ug sa pagpauswag sa productivity and investment potential sa mga nahatagan sa titulo.

Gawas sa land distribution, ang Presidente sa nasud moturn-over sa farm machineries ug mga ekwipo sa kantidad nga Php15.7 milyones ngadto sa 30 ka agrarian reform beneficiaries’ organizations (ARBOs).

Kini naglangkub sa farm tractors, rice threshers, mud boats, rice mills, floatimg tillers, pump irrigation systems, corn shellers, water tanks, egg-laying machines, motorcycles, rice harvesters, backpack sprayers ug shredder machines.

Nasayran nga gipamahayag ni DAR Secretary Estrella nga kining maong lakang usa ka inisyatiba sa gobyerno alang sa pagpalambo sa agrikultura ug rural prosperity. (Angelica T. Obina)

(Source: PIC-Sheng Jumalon Bala)

Leave a Reply