Naghatag og assistance ang mga personnel sa Dipolog City Police Station sa feeding activity nga gipahigayon sa Minaog Covered Court sa Barangay Minaog, Dipolog City aron masiguro ang hapsay ug luwas nga pagpatuman sa kalihokan.
Ang mga kapulisan, nga gipangulohan ni Hazel B. Aisal, mitabang sa crowd management, pagmintinar sa kalinaw ug kahapsay, ug sa pag-apod-apod sa pagkaon ngadto sa mga benepisyaryo.
Ang feeding activity gipasiugdahan sa PNP Officers’ Ladies Club Foundation Incorporated, nga nagtumong sa paghatag og suporta sa komunidad pinaagi sa maong inisyatiba.
Sumala sa kapulisan, ang ilang presensya gitumong aron masiguro ang seguridad sa mga partisipante samtang ginapalig-on ang kooperasyon ug pakig-uban sa komunidad sa panahon sa kalihokan.(JENIFFER JR. DELICA)
Source: Dipolog City Police Station, ZNPPO