Opisyal nga gitapos ang Police Firearm Proficiency Training uban ang Close Quarter Battle (CQB) ug scenario-based exercises sa Zamboanga del Norte Police Provincial Office Firing Range, Camp Hamac, Sicayab, Dipolog City.
Gipangulohan ni PCOL Reydante E. Ariza, Acting Provincial Director, ang closing ceremony nga girepresentahan ni PMAJ Jan Reanel B. Romero, Officer-in-Charge sa Provincial Plans and Programs Unit. Ang maong training nagtumong sa pagpalig-on sa kahanas sa mga pulis sa hustong pagpusil, taktikal nga lihok, kahibalo sa palibot, ug paspas ug husto nga pagdesisyon.
Pinaagi sa realistiko nga CQB drills ug scenario-based exercises nga gihimo sa kontroladong palibot, mas naandam ang mga partisipanteng pulis sa pag-atubang sa high-risk nga mga sitwasyon ug kalit nga mga hulga.
Kini nagpakita sa padayon nga paningkamot sa Philippine National Police sa pagmintinar sa operational readiness, propesyonalismo, ug sa pagpanalipod sa komunidad.(IKEN B. GULLEM)
Source: Zamboanga del Norte Police Provincial Office