Nobyembre 4 —Nalipay ang lungsod sa Polanco human makadawat og duhang pasidungog gikan sa Regional Year-End Universal Health Care Awards nga mao ang LGU Achiever’s Award on Safe Motherhood ug LGU Achiever’s Award on Child Immunization.
Tungod sa maong kalampusan, gihatagan usab og mga laptop ang Rural Health Unit sa Polanco aron mas mapaayo pa ang paghatag og serbisyo medikal sa mga residente.
Kini nga pasidungog nagpamatuod sa padayon nga pagpaningkamot sa Polanco sa pag-atiman sa kahimsog sa mga inahan ug kabataan sa ilang komunidad.(JENIFFER JR. DELICA)
Source/Photo Courtesy: Municipality of Polanco