Nobyembre 4 — Ang lungsod sa Piñan, Zamboanga del Norte, miapil sa Philippine Community Resilience Project (PCRP) LGU Capacity Assessment nga gi-organisa sa DSWD KALAHI-CIDSS nga gipahigayon niadtong nilabayng adlaw sa Mayor’s Conference Hall.
Gituhuan sa maong assessment nga masuta ang kapasidad sa lokal nga pangagamhanan sa unom ka aspeto: pangagamhanan ug pagpamuno, pagpanubag, pinansyal nga katin-awan, kalig-on batok kalamidad, ug lokal nga pagplano alang sa kalamboan. Pinaagi sa rating scale nga 1 hangtod 5, masabtan ang kahimtang sa performance sa LGU ug mahimong basihanan sa pagpatuman sa PCRP.
Nagpasalamat ang LGU Piñan sa DSWD Field Office IX ug sa mga kauban nga ahensya sa ilang padayon nga suporta ug kooperasyon aron mapalig-on ang kalig-on ug kalamboan sa lungsod.(JENIFFER JR. DELICA)
Source: Piñan Zamboanga del Norte/Mayor Rommel Gudmalin