Gipahigayon sa Dipolog City Police Station ang awareness lecture atol sa Parents-Teacher Conference sa Covered Court sa Gulayon Integrated School, Barangay Gulayon, Dipolog City, ubos sa pagpangulo ni PSSg Nelson C. Gonzales, CAD PNCO.
Gihisgutan sa lecture ang school safety ug security, pagsunod sa mga lagda ug regulasyon sa eskwelahan, ug ang importansya sa suod nga koordinasyon tali sa mga ginikanan, school authorities ug kapulisan.
Gipasiugda usab ang hustong pagtinabangay tali sa mga ginikanan ug eskwelahan, ilabina sa panahon sa emergency ug uban pang sitwasyon nga mahimong makaapekto sa kaluwasan sa mga estudyante.
Pinaagi sa maong kalihokan, gidasig ang mga ginikanan nga aktibong mosuporta sa mga lakang alang sa kaluwasan ug seguridad aron mapanalipdan ang kaayohan sa mga learners.(JENIFFER JR. DELICA)
Source: PNP Dipolog City Police Station