Gipraktis sa PNP Dapitan City ang rescue ug fire response skills atol sa ilang emergency exercise niadtong September 10, 2026, diin ilang gisundog ang pagluwas sa usa ka kauban ug pagresponde sa usa ka simulated fire incident.
Gipakita sa mga personnel ang hustong paggamit sa fire extinguisher aron mapalong ang simulated fire, ubos sa pag-obserbar ug evaluation sa Dapitan City Fire Station ug City Disaster Risk Reduction and Management Office o CDRRMO-Dapitan.
Gitambongan sa Dapitan City Fire Station ang maong kalihokan isip facilitator ug evaluator, ubos sa pagpangulo ni FSINSP Rommel M. Rojas, REE, Acting City Fire Marshal. Pinaagi sa regular nga praktis, gitumong nga mailhan ang mga kakulangan ug mapalig-on ang koordinasyon ug emergency response skills sa mga responders.
Gipakita sa exercise nga dili lamang ang pagkompleto sa drill ang importante, kundili ang padayong praktis aron mas maandam ang mga responders sa tinuod nga emerhensiya, diin wala nay higayon alang sa rehearsal o second take.(JENIFFER JR. DELICA)
Source: BFP R9 Dapitan City Fire Station