Gipahugtan ang seguridad sa nagkadaiyang pampublikong lugar atol sa Semana Santa human gipangunahan ni PLTCOL Edwin D. Verzon, Force Commander, ang usa ka komprehensibong inspeksyon ug “red teaming” sa mga personahe sa Philippine National Police (PNP) nga naka-deploy sa mga simbahan, terminal, ug ubang lugar nga ginatapukan sa daghang tawo.
Tumong sa maong kalihokan ang pagsusi sa kahandaan sa operasyon pinaagi sa simulated security penetration ug aktwal nga inspeksyon sa mga lugar, aron masiguro ang husto nga deployment sa kapulisan ug ang istriktong pagpatuman sa mga security protocol.
Base sa resulta sa inspeksyon, gipalig-on ang koordinasyon ug presensya sa kapulisan sa mga kritikal nga lugar aron malikayan ang posibleng hulga ug mapadayon ang kahusay ug kalinaw sa komunidad.
Nagpakita kini sa padayon nga paningkamot sa PNP sa pagpanalipod sa publiko ug sa paghatag og luwas, malinawon, ug matinahuron nga palibot alang sa tanang magselebrar sa Kwaresma.(IKEN B. GULLEM)
Source: Zamboanga del Norte 2nd PMFC