Dali nga mitubag ang Emergency Medical Service personnel sa Labason Municipal Fire Station sa usa ka vehicular accident didto sa Barangay Gil Sanchez, Labason, Zamboanga del Norte, niadtong Abril 2, 2026.
Pag-abot sa lugar, ilang nasuta nga ang pasyente adunay gagmay’ng samad ug posibleng bali sa tuo nga abaga, hinungdan nga giatiman dayon kini pinaagi sa unang tabang ug paglimpyo sa mga samad samtang gisiguro ang iyang kahimtang.
Gihatagan og hustong first aid ang pasyente lakip ang pagbutang og sterile dressings aron malikayan ang impeksyon ug mapadayon ang kaluwasan samtang giandam siya alang sa transportasyon.
Human sa inisyal nga pag-atiman, dali nga gidala ang pasyente sa Labason District Hospital aron sa dugang eksaminasyon ug tukmang pagtambal, samtang padayon ang panawagan sa mga awtoridad sa pag-amping sa dalan aron malikayan ang susamang insidente.(JENIFFER JR. DELICA)
Source: BFP R9 Labason Fire Station