Naghimo og routine inventory ug inspection ang Philippine Institute of Volcanology and Seismology (PHIVOLCS) sa mga GPS ug earthquake intensity monitoring instruments nga nakainstalar sa lungsod sa Liloy.
Gibisita usab sa team ang gitakdang lugar alang sa proposed Satellite Seismic Station nga pagatukoron sa maong lungsod aron mapalambo pa ang earthquake monitoring capabilities sa lugar.
Atol sa pagbisita, nakigpulong ang PHIVOLCS kang Mayor Roberto Lim Uy Jr. kabahin sa mga plano aron mapalig-on ang kahandam sa lungsod alang sa mga linog ug tsunami, lakip ang monitoring ug early warning capabilities.
Gilauman nga pinaagi sa maong mga inisyatibo, mas mapalig-on ang science-based disaster risk reduction efforts sa Liloy ug mapauswag ang kapasidad sa komunidad sa pag-andam ug pagtubag sa mga posibleng peligro nga may kalabotan sa linog ug tsunami.
Nagpakita ang maong lakang sa padayong paningkamot sa lokal nga panggamhanan sa pagpalig-on sa kaluwasan ug kalig-on sa komunidad batok sa mga peligro sa katalagman.(IKEN B. GULLEM)
Source: LDRRMO Liloy