Sa lig-on nga pagpatuman sa mga balaod sa wildlife, giluwas sa mga personahe sa CENRO Siocon ang usa ka Philippine Long-Tailed Macaque (ππ’π€π’π€π’ π§π’π΄π€πͺπ€πΆππ’π³πͺ) sa Barangay 1 sa Tagacontay.
Ang mga personahe sa PAMO nihimo og assessment ug eksaminasyon sa unggoy, ug nasuta nga usa kini ka lalaki, gibana-bana nga 5 kilos ang gibug-aton, walay timailhan sa samad o impeksyon, ug anaa sa maayo ug himsog nga kahimtang.
Human sa ebalwasyon, ang wildlife gibuhian dayon ngadto sa natural nga pinuy-anan niini sa kalasangan nga dapit sa Barangay Tan-awan, Baliguian, Zamboanga del Norte.
Ang Red List of Threatened Species nga gihuptan sa International Union for Conservation of Nature (IUCN) naglakip na karon sa long-tailed macaque sa “bulnerable” nga kategorya. Ang nasangpit nga wildlife kay usa ka seed disperser nga makapadasig sa pagtubo sa bag-ong mga tanom para sa himsog nga ekosistema.
Ang Republic Act No. 9147, o ang Wildlife Resources Conservation and Protection Act of 2001, ug Department Administrative Order (DAO) No. 2019-09 sa Updated List of Threatened Philippine Flora and Fauna ug ang ilang mga kategorya, nagdili sa pagpangolekta, pagpangayam, o pagpanag-iya sa wildlife, ilang by-products, ug derivatives nga walay permit gikan sa DENR.
(Source: DENR Zamboanga Peninsula Facebook page)