Malampusong napahigayon ang usa ka mabulukong programa, ang Philippine Heart 2024 Culminating Activity, nga adunay tema nga “Ka-heartner, Puso ang Piliin ngayong Heart Month” ug gipahigayon didto sa Zamboanga del Norte Cultural and Sports Center kagahapong adlawa, Pebrero 29, 2024.
Ang maong programa gipangunahan ni Executive Assistant Hon. Anabel G. Jalosjos nga nipadayag sa iyang mensahe isip representante sa Gobernador ning lalawigan sa Zamboanga del Norte nga si Governor Rosalina “Nanay Nene” Jalosjos ug gisalmotan sa mga Senior Citizen ug sa pipila ka mga personahe nga hanas ug eksperto kalabot sa kahimsog sa panglawas, ug ang mga misalmot niiini gilangkuban ni Director IV, Dr. Joshua G. Brillantes, MPH, CESO IV, NCD Cluster Head, Dr. Rolando Lilienthal C. Bucoy, Provincial Health Officer, ZDN, Eduardo M. Luayon,MD, MPH, Medical Specialist, ZDNMC, Cookie Pie H. Gallemit-Villegas, MD, FPCP, FPCC, Director II, CSC, Atty. Jerry M. Mayormita, Provincial Director, DOLE, Ms. Aileen B. Mondijar, President, Office for Senior Citizens Affairs Mr. Deogracias C. Dagpin Jr. ug ni Director III, Dr. Lenny Joy Johnson-Rivera, MDM, CESO, IV.
Alayon sa maong programa mao ang pag edukar,paghisgot kabahin sa kahimsog, kondisyon ug pamaagi aron malikayan ang matang sa sakit sama sa sakit sa kasing-kasing ug kon unsa ang mga lakang o mga pamaagi aron malikayan kini.
Atol sa maong programa adunay mga pasundayag, sama sa Zumba,pa raffle, pahugyaw sa banda ug sayaw nga nakapahimuot ug nakapalipay sa mga katiguwangan nga misalmot sa maong aktibidad.
Dugang pa, aduna usab giapod-apod nga libreng pagkaon alang sa mga partesepante, ug sa mga Senior Citizen.
Tumong sa maong programa,ang mapadangat ngadto sa mga misalmot, miduyog ug ilabi na sa mga idaran o mga katiguwangan nga, ampingan sa makanunay ang panglawas ilabi na ang paglikay sa mga buhat, o pagkaon sa mga pagkaon nga pwedeng mamahimong hinungdan nga makadangat o makasinati sa lain-laing sakit sama sa sakit sa kasing-kasing. (Medalyn U. Borja, RPN DXKD Correspondent)