TAMPILISAN, ZAMBOANGA DEL NORTE — Gihatagan sa Philippine Coconut Authority o PCA og dugang 1,300 ka coconut planting materials ang Cympil Situbo Alsa Masa Farmers Association niadtong Agosto 12, 2026, isip dugang suporta sa panginabuhian sa mga mag-uuma bisan nahuman na ang Revitalized Pulis sa Barangay o R-PSB Program.
Gipangulohan sa R-PSB Team sa Zamboanga del Norte 2nd Provincial Mobile Force Company, ubos sa pagdumala ni PLTCOL Edwin D. Verzon, ang koordinasyon sa PCA alang sa maong intervention. Gitabangan usab kini sa LGU Tampilisan ug ni Barangay Situbo Chairman Melanio B. Larato.
Ang dugang nga planting materials gitumong sa pagpalambo sa produksyon sa lubi ug pagpalig-on sa panginabuhian sa mga mag-uuma sa maong barangay. Ang maong suporta nagpadayon sa mga inisyatiba nga nasugdan ubos sa R-PSB Program.
Pinaagi sa pagtinabangay sa PCA, kapulisan, lokal nga panggamhanan ug komunidad, gipalig-on ang suporta sa mga mag-uuma aron mapalambo ang ilang panginabuhian ug mapadayon ang produktibong kalihokan sa sektor sa agrikultura.(JENIFFER JR. DELICA)
Source: PNP Zamboanga del Norte 2nd PMFC