Gisugdan sa mga personahe sa City Community Affairs Development (CCAD) ug 1st Provincial Mobile Force Company ang usa ka barangay visitation sa Brgy. Diwaan, kaniadtong Nobyembre 16, 2025, aron ipahibalo ug ipaabot sa mga residente ang kahinungdanon sa seguridad ug kaluwasan sa komunidad.
Gipangulohan ang kalihukan ni PCMS Marwin L. Cimafranca, CCAD PNCO, kauban ang 1st PMFC personnel ubos sa superbisyon ni PLTCOL Eva Joy E. Capurcos, COP. Sa maong lakang, gipanghatag ang Information, Education, and Communication (IEC) materials sa mga lumulupyo aron mapalig-on ang kahibalo sa publiko bahin sa safety ug community protection.
Kini nga aktibidad kabahin sa Strong Police Presence initiative, nga nagtinguha sa pagpahugot sa relasyon sa kapulisan ug komunidad samtang gipalapdan ang awareness sa publiko. Gipangayo usab sa mga opisyal ang aktibong kooperasyon sa katawhan aron mas mapalig-on ang seguridad ug kalinaw sa barangay ug sa tibuok Dapitan City.(IKEN B. GULLEM)
Source: Dapitan City Police Station ZNPPO
