Usa ka drug testing ang gipahigayon sa buhatan sa BJMP Dipolog City Jail Male Dormitory alang sa mga personahe niini sulod sa pasilidad lakip ang mga Person’s Deprive of Liberty (PDL) ang mipailawom sa Quarterly Mandatory Drug Testing of Personnel and Random Drug Test for PDL, niadtong Septiyembre 8,2025.
Ang maong drug test pinangulohan ni JCINSP MANUEL U CALIBO, Warden, kauban ni Mr James Zebedee C. Ebron, RMT, MedTech gikan sa Corazon Aquino Hospital ug sa supervision sa PDEA pinangulohan ni Agent Romeland C. Dela Peña,Team Leader.
Sa maong pagsulay mikabat sa 67 ka mga personahe sa Bjmp Dipolog CityJail MaleDormitory, nga gilangkuban sa 54 ka lalaki ug 13 ka babaye ang mipailawom sa drug test, diin nakab-ot niini ang 100% coverage,samtang sa han-ay sa PDL muabot sa 36 (20%) gikan sa 179 ka populasyon ang napailawom sa nasangpit nga pagsulay.
Sa kinatibuk-an, NEGATIVE ang nakita nga resulta sa presensya sa drugas ngadto sa mga PDL’s ug mga personahe sulod sa pasilidad.(Medalyn U. Borja)
Source: BJMP Dipolog City Jail Male Dormitory