Gidumala sa Siocon District Jail ang usa ka cookery performance alang sa napulo ka PDL learners sa Alternative Learning System–Senior High School, ilawom sa pagdumala ni JSINSP Achmed Aziz A. Pia niadtong Disyembre 10, 2025.
Gitambungan sa Unit Development Office ug mga magtutudlo gikan sa Julian Soriano Memorial Comprehensive High School ang sesyon, diin gipahigayon ang lecture sa pag-andam sa batakang mga gamit ug rekado sa pagluto, ug dayon gisundan og praktikal nga pag-apply sa ilang nakat-unan.
Gipasalig sa jail management nga padayon nilang suportahan ang mga programa nga makatabang sa PDL sa pagpalambo sa ilang kahanas ug pag-andam sa mas maayo nga kaugmaon paghuman sa ilang sentensya.(JENIFFER JR. DELICA)
Source: Siocon District Jail