Gipahigayon sa Department of Agrarian Reform (DAR) Zamboanga del Norte, ubos sa pagdumala ni Provincial Agrarian Reform Program Officer II Daisy Dell Suan Digamon, ang usa ka information drive bahin sa subdivision survey sa Project SPLIT alang sa mga Agrarian Reform Beneficiaries (ARBs) sa lungsod sa Labason.
Gipasabot sa aktibidad sa mga ARBs ang tumong sa survey nga mao ang klaro nga pag-ila sa mga utlanan, pagresolba sa nagkasumpaki nga mga claim, ug pagsiguro nga matag benepisyaryo makadawat og tukma ug legal nga titulo sa yuta. Gilatid usab sa briefing ang proseso sa survey, ang timeline, ug ang kooperasyon nga gikinahanglan gikan sa mga ARBs aron hapsay ang pagpatuman niini.
Gikuyogan ang kalihokan sa DAR Municipal Office sa Labason nga gimandoan ni Municipal Agrarian Reform Program Officer Florian Tolentino, aron masiguro nga ang mga ARBs masabtan gyud ang papel sa survey sa pagpadali sa land parcelization ug pagkuha sa individual land titles nga usa ka tinudanay nga timaan sa padayong paningkamot sa DAR sa pagpanalipod sa katungod sa yuta ug pagpalapad sa patas nga agraryong reporma sa probinsya.(JENIFFER JR. DELICA)
Source: DAR Zambonorte