Gipalig-on ang panaghiusa tali sa Philippine Coast Guard ug Local Government Unit sa Salug human mibisita si PO2 Raymond D. Sarsalejo, Substation Commander sa CGSS Salug, kang Mayor Dra. Ruth M. Brillantes niadtong Mayo 4, 2026.
Mainiton nga gidawat sa mayor ang opisyal sa PCG, diin ang maong courtesy visit nagtumong sa pagpalambo sa koordinasyon ug komunikasyon tali sa duha ka institusyon.
Sumala sa mga opisyal, ang maong panagtigum nagpakita sa ilang komon nga tumong sa pagserbisyo, panaghiusa ug pagpanalipod sa kaluwasan sa katawhan sa lungsod sa Salug.
Gilauman nga pinaagi sa padayon nga panag-uban, mas mapalig-on ang epektibong paghatag og serbisyo publiko ug masiguro ang kalinaw ug kahapsay sa komunidad.(JENIFFER JR. DELICA)
Source: Municipality of SALUG