Pagpalapad sa suporta sa Mt. Malindang Tourism Federation ang labing tumong sa gipahigayong miting, Miyerkules, Oktobre 11, sulod sa Hall 3, PGO Conference Room.
Human sa pagbisita ni Atty. Orlando Salatandre, presidente sa Mt. Malindang Tourism Federation, siya mihangyo sa pagsuporta sa maong organisasyon aron sa pagpalawig sa turismo sa Mt. Malindang Natural Park.
Si Mr. Wilberth “Jojo” Magallanes, Acting Provincial Administrator ang mi-representar ni Governor Rosalina “Nanay Nene” Jalosjos, kinsa miingon nga suportahan sa inahan sa probinsya ang maong organisasyon aron sa kalambuan sa turismo sa maong dapit.
Ang Mt. Malindang Tourism Federation usa ka organisasyon sa mga tourism stakeholders nga kasagaran mga resort owners, tourists’ attraction operators, ug uban pa nga nagpalibot sa Mt. Malindang Natural Park. Kalabot niini ang tulo ka probinsya nga mao ang Zamboanga del Norte, Zamboanga del Sur, ug Mizamis Occidental nga nagpalibot sa Mt. Malindang.
(Source: Provincial Information Center ZaNorte Facebook page)