Usa ka Mabulukong programa ang nagmalampusong napatigayon dungan sa pag selebrar sa “2024 National Women’s Month” nga adunay tema nga “Lipunang Patas sa Bagong Pilipinas: Kakayahan ng Kababaihan, Patutunayan.” Kini gipahigayon didto sa Function Hall sa Miputak Barangay Hall ning dakbayan sa Dipolog, sa may alas 9 sa kabuntagon, Marso 8, 2024.
Ang maong kalihokan gisalmotan sa pipila ka mga opesyalis sa kagamhanang lokal ug naglakip niini mao sila si Dipolog City First Lady,Vanessa Y. Uy kinsa nag-representar ni City Mayor Darel Dexter T. Uy, ug City Councilor, Marilou Y. Calibo, nga mipadangat sa ilang tagsa-tagsa ka mga mensahe.
Nisalmot usab si PMAJ. Evelyn F. Porras (Investigation/WCPD Officer) sa Dipolog Police Station,inubanan sa DILG City Local Govt. Operations Officer, Ms. Sherrie Charlota N. Machutes, nga mao ang nagpasiugda sa pipila ka mga Lectures isip mga Resources Speaker sa maong programa.
Kini nga programa ubos sa pag panguna sa City Social Welfare and Development Office (CSWD) ilawom sa unit sa Women’s Welfare Program nga gipangunahan ni Acting-CSWD Officer Mr. Patrick S. Jalapadan.
Si kanhi Mayor Evelyn T. Uy nihatag sa iyang mensahe ug pasidungog isip ” Guest Speaker”
T. Uy isip “Guest Speaker” ngadto sa mga kababayen-an misalmot sa selebrasyon.
“Atong ipakita nga kaya natong mutindong sa atong kaugalingon nga dili magsalig sa uban basta apilan og paningkamot”. Matod ni kanhi Mayor Evelyn Uy.
Kahibalu-an nga sa susamang programa ug adlaw ang mga opisyales sa Barangay,Sangguniang Kabataan Federation, opisyal ug myembro sa Kusog Kababayen-an nitambong isip partesepante sa pag saulog usab sa “International Women’s Day”.
(Source: Dipolog City Government | Medalyn U. Borja)