Subay sa pagsaulog sa International Day for the Conservation of Mangrove Ecosystem, adunay tema nga “Mangroves: Stewards of Blue Economy,” diin ang mga personahe sa CENRO Manukan misalmot sa mangrove enrichment planting activity niadtong Hulyo 26 ning tuig,didto sa coastal area sa Sitio Tabang, Barangay Poblacion, Jose Dalman, Zamboanga del Norte.
Kini nga inisyatiba nagtumong sa pagpasiugda sa talagsaon ug huyang nga kinaiya niini nga mga ekosistema ug pagsiguro sa ilang padayon nga mga benepisyo, pinaagi sa pakigtambayayong sa mga lokal nga stakeholders alang sa maong programa.
82 ka partisipante gikan sa Forestry Department sa JRMSU Katipunan Campus, MENRO Jose Dalman, Bantay Dagat ni Jose Dalman, ug CENRO Manukan ang nananom og 387 ka mangrove ug beach tree species.
Ang mga partisipante nagtanom ug Pagatpat ug Piapi nga seedlings aron mapalambo ang lokal nga mangrove forest,diin ang pagpananom og kahoy usab ang gihimo sa kasikbit nga kalasangan sa baybayon aron mapalig-on ang kabaybayonan ug malikayan ang pagbanlas, diin ang Bitoon ug Balok-Balok nga mga seedling gitanom.
Gihatagan kinig gibug-aton sa kamahinungdanon nga pagdumala ug pagkonserbar sa bakhaw ug beach ecosystems aron mapadayon ang biodiversity ug mga serbisyo sa ekosistema alang sa umaabot nga mga henerasyon. (Medalyn U. Borja)
(Source: DENR Zamboanga Peninsula)