Dipolog: Pagkonkreto sa 3 ka proyekto sa NTF-ELCAC, 100% kompleto na

Dul-an sa 60 milyones ka pesos ang pagkonkreto sa 3 ka proyekto sa National Task Force to End Local Communist Armed Conflict’s (NTF-ELCAC) Barangay Development Program under the 2022 National Expenditure Program (NEP), ang 100 percent completed, ug andam nang i-turnover sa 3 ka hingtungda’ng barangay, sa Zamboanga del Norte.

Kini basi sa report ni Engr. Arman Alpeche, Head, Construction Division-PEO, sa gipahigayong komperensya sa Hall 3, Capitol Building, Estaka, Dipolog City, Hunyo 19 niining tuig.

Ang maong 3 ka konkretong proyekto mao ang Concreting of Nazareth Barangay Road, sakop sa lungsod sa Sergio Osmeña, ug ingon man Concreting of Delusom-Tinuyop Provincial Road (Sta. Maria-Tinuyop Road Section) ug Rehabilitation /Improvement of Midatag Access Road, sa lungsod sa Leon B. Postigo.

Samtang ang concreting of Bagumbayan, Barangay road, sa Sergio Osmeña, ang hapit na usab makompleto, nga diin mikostar kini sa dul-an 20 milyones ka pesos.

Ang maong mga konkretong dalan, gisugdan kaniadtong Hulyo tuig 2021, pinaagi sa A.I. YU Builders and Enterprises construction ug 100 porsyento’ng nahuman sumala sa giaprobahan nga mga plano ug detalye  kaniadtong Desyembre 29, tuig 2022.

(Source: Dipolog Balita Express)