Usa ka nahitabong Landslide didto sa Boundary sa Jose Dalman ug Sindangan Zamboanga del Norte hinungdan nga nalangan o natanggon ang mga byahedor sa pagtabok sa maong lugar nahitabo kaniadtong Desyembre 8, ning tuiga.
Kahibaloan matud pa sa isa sa ato nahinabi si Mr. Russel Santiago diin usa sila sa mi byahe karong buntag nga matag kusog sa ulan mag hinayhinay usab ug kahulog ang mga yuta tungod sa kahumok na niini hinungdan nga mi mugna na kini ug landslide.
Makita sa maong hulagway ang daghanang naaberya isa na ang Rural Transit, pribadong mga sakyanan ingon man mga motorista.
Dugang pa ni Mr.Santiago nga kasagaran sama nila namalik nalang sa ilang agi paingon Dipolog ug ang uban gapaabot ra gayud mga 3 ka oras ng nakalabay gikan sa nahitabo. Pero matud pa adunay laing dalan nga makalahos ra paingon sa Sindangan ang moagi gikan Sergio Osmeña lahos na dayun para Sindangan.
Sa pagkakaron gipangitaan na kini ug pamaagi sa hingtundan buhatan diin ga andam ng daan ang mga operator sa mga ekipo kung mo dagayday na usab ang yuta paingon sa dalan, aron makaagi ang mga byahedor nga luwas ug way hasul sa pagbyahe. (Angelica T. Obina)
(Source: Mr. Russel Santiago)