Sadya ug mabulukon ang pagbukas sa pagsaulog sa ika-43 ka tuig nga kasumaran sa pagsaulog sa pagkahimugso sa lungsod sa Godod, Pebrero 5. Gisugdan sa usa ka parada palibot sa nanag-unang dalan libot sa sentro sa maong lungsod ug mitapos sa Municipal Plaza ug dinhi gipahigayon ang Opening Program.
Si Mayor Abel Matildo sa iyang mensahe, kinasing-kasing siya nga nagpasalamat sa katawhan sa lungsod sa Godod alang sa maong kasaulugan. Mipaabot usab sa iyang pagpasalamat si Mayor Matildo sa nakab-ot nga kalampusan tungod kay usa kini ka testamento nga ang pagtinabangay makapahimong lig-on ug malambuon nga katawhan sa usa ka lungsod.
Dugang ni Mayor Matildo nga sulod sa 43 ka tuig, hiniusa silang mitindog ug miatubang sa nagkalain-laing hagit ug sa pag-umol sa komunidad diin iya kining ikapasigarbo. Uban sa tema niining tuiga, “Together We Thrive: Celebrating Unity and Progress”, gipamahayag ni Mayor Matildo nga kini nagsumada sa ilang kinatibuk-ang panaw, nagbulok sa hiniusang paningkamot ug dinhi ilang nakita ang panaghiusa.
Samtang si Former Provincial Administrator Wilberth Magallanes kinsa nag-representar ni Governor Rosalina โNanay Neneโ Jalosjos sa iyang mensahe, kini ang mipahalipay sa katawhan sa lungsod sa Godod alang sa 43rd Founding Anniversary. Dugang ni Magallanes nga ipadayon ang nahimong kalambuan nga gisugdan sa administrasyon ni Mayor Matildo. Si Magallanes ang nagkanayon usab nga adunay mga proyekto nga gibubo si Governor Rosalina “Nanay Nene”Jalosjos dinhi apan nalangan sa pagpatuman gumikan sa pundo alang niini.
Ang maong kalihukan gitambungan usab ni PCOL Rainier Diaz, Provincial Director sa ZNPPO, LTCOL Jimmy Sanz, Commanding Officer, 97th IB, PBGEN Antonio John Divinagracia, Assistant Division Commander, 1st Infantry Tabak Division, Philippine Army, 3rd District Board Member Conkee Buctuan, Atty. Ivan Patrick Ang, Mr. Boboy Soriano ug mga local officials sa lungsod sa Godod.(Angelica T. Obina)
Source: ๐ฃ๐๐ โ ๐ฆ๐ต๐ฒ๐ป๐ด ๐๐๐บ๐ฎ๐น๐ผ๐ป ๐๐ฎ๐น๐ฎ