Malampusong napahigayon ang pag turn-over sa mga personahe sa 1st Provincial Mobile Force Company (1st PMFC) ang Project DIGNIDAD PALIKURAN: 1st PMFC Community Sanitation Facility Initiatives and Project KUBO NG PAGKALINGA: 1st PMFC Medical Outreach Support Facility ngadto sa komunidad sa Barangay Kauswagan, Munisipyo sa Sergio Osmeña, Zamboanga del Norte, niadtong Hulyo 25,2026.
Gitambongan ang turnover ceremony sa nasangpit nga proyekto sa mga personahe sa ZN1st PMFC, ug sa Punong Barangay sa Barangay Kauswagan nga si Hon. Carlito Raliao, ug mga representante gikan sa Rural Health Unit sa Sergio Osmeña nga gipangulohan ni Dr. Fatima Airene Abilul.
Ang maong kalihokan nagpakita sa lig-on nga panag-uban sa Philippine National Police, lokal nga kagamhanan, ug sektor sa panglawas tumong nga mapalambo ang kaayohan sa mga residente sa Barangay Kauswagan pinaagi sa paghatag og mga importanteng pasilidad nga mosuporta sa mas himsog ug mas lig-on nga komunidad.
Ang pasilidad sama sa comfort room gidisenyo aron mapalambo ang sanitasyon ug mapalig-on ang panglawas sa publiko, makapauswag sa kalidad sa kinabuhi sa mga tawo nga ilang gialagaran.
Samtang sa pikasa bahin,ang Medical Outreach Support Facility magsilbi nga lugar alang sa mga medical mission, konsultasyon sa panglawas, ug uban pang serbisyo medikal alang sa komunidad.
Ang pagpatuman sa mga inisyatibo alang sa malungtarong kalamboan sa komunidad usa KA inisyatibo nga gipakita pag-usab sa 1st PMFC ang ilang dedikasyon sa pagserbisyo sa komunidad pinaagi sa pagtukod og makahuluganon nga panag-uban ug pagpatuman sa mga malungtarong programa.(MEDALYN U. BORJA)
Source: PNP Zamboanga del Norte Mobile Force Company