Malampuson nga nag-ani sa ilang mga gitanom nga utanon ang mga personnel sa 1st Zamboanga del Norte Mobile Force Company, ilawom sa pagpangulo ni PLTCOL Ryan Jay R. Capurcos, Force Commander, isip kabahin sa kalihukan nga nagpakita sa disiplina, kakugi, ug panaghiusa sa yunit.
Pinaagi sa 4th Platoon nga gipangulohan ni PMSg Ivy Dan B. Tinaan, personal nga gipatubo ug giatiman sa mga personnel ang mga tanom hangtod sa panahon sa ani, nga nagpakita sa ilang pasensya, kooperasyon, ug kolektibong paningkamot gawas sa ilang regular nga buluhaton sa serbisyo.
Ang mga naaning utanon giluto dayon ug gipaambit sa usa ka yano nga fellowship meal tali sa mga personnel, nga nagsilbing simbolo sa bunga sa ilang paningkamot ug sa lig-on nga panaghiusa sulod sa yunit.
Ang maong kalihukan nagpasiugda sa importansya sa self-sufficiency, teamwork, ug camaraderie, ug nagpalig-on sa disiplina ug responsibilidad nga nagtabang sa mas epektibong serbisyo alang sa komunidad.(JENIFFER JR. DELICA)
Source: Zamboanga del Norte 1st Provincial Mobile Force Company