Gipadayon sa Labason Fire Station ang ilang paningkamot sa pagpalig-on sa kahimsog sa mga kawani pinaagi sa regular nga binulan nga blood sugar monitoring alang sa tanang unipormadong personnel, ilawom sa pagpangulo ni FINSP Joel S. Sabijon, Acting Municipal Fire Marshal.
Ang kalihukan kabahin sa padayong adbokasiya sa Bureau of Fire Protection sa pagpalambo sa health awareness ug pagpugong sa lifestyle-related diseases sama sa diabetes taliwala sa mga bombero.
Pinaagi sa maong inisyatibo, gihatagan bili ang sayong pag-ila ug paglikay sa mga posibleng komplikasyon sa kahimsog, aron masiguro nga ang matag personnel magpabiling himsog ug andam sa pag-atubang sa mga buluhaton sa emerhensiya.
Nagpakita kini sa komitment sa Labason Fire Station sa pag-atiman dili lamang sa kaluwasan sa komunidad, kondili usab sa pisikal nga kahimtangan ug kaandaman sa ilang mga kawani.(JENIFFER JR. DELICA)
Source: BFP R9 Labason Fire Station