Gitunol sa Department of Social Welfare and Development (DSWD) Region IX niadtong Agosto 27, 2026,
sa pakigtambayayong sa LGU Leon B. Postigo, ang P4.695 milyon nga seed capital ug Project Development Advancement Grants (PDAG) ngadto sa 10 ka community associations.
Gilauman nga makabenepisyo niini ang 269 ka miyembro ug ilang mga pamilya pinaagi sa pagsugod o pagpalambo sa ilang mga micro-enterprise ug panginabuhian.
Gipasiugda usab sa programa ang pagpalambo sa kahanas sa pagdumala sa negosyo, responsableng paggamit sa pondo ug pagpalig-on sa mga asosasyon aron masustinar ang ilang mga proyekto.
Giawhag sa LGU ang mga benepisyaryo nga gamiton sa husto ug epektibo ang pondo aron molambo ang ilang negosyo ug makahatag og mas lig-on nga kita alang sa ilang mga pamilya.
Kabahin ang maong inisyatibo sa Sustainable Livelihood Program (SLP) sa DSWD nga nagtumong sa pagtabang sa mga kabus ug vulnerable nga pamilya nga makabarog sa kaugalingon pinaagi sa malungtarong panginabuhian.(IKEN B. GULLEM)
Source: Municipal Government of Leon B. Postigo