Gipatuman karon, Disyembre 12, 2025, ang Bugas-On-Wheels program sa Department of Agriculture ug LGU-Dipolog aron makaabot ug barato nga bugas sa mga residente sa Barangay Diwan, Dipolog City, nga adunay presyo P20 kada kilo, gikan alas 9:00 sa buntag hangtod alas 4:00 sa hapon.
Gihatagan ug prioridad ang tibuok barangay nga makadawat sa maong tabang aron mapagaan ang ilang gastohon sa pagkaon tali sa nagpadayon nga lisod nga kahimtang sa ekonomiya. Gikinahanglan lamang ang valid ID ug kaugalingong sudlanan o eco bag samtang 10 kilo ang maximum nga makuha sa matag pamilya, depende sa ilang panginahanglan.
Gituohan sa DA ug LGU nga ang P20 Bugas Program usa ka dako nga tabang sa komunidad ug posible pang mapadayon aron mas daghang pamilya ang matabangan sa umaabot nga mga adlaw.(IKEN B. GULLEM)
Source: Zamboanga del Norte Provincial News Network