Usa ka malampuson nga outreach program ang gipahigayon sa bilanggoan ning syudad sa Dapitan karong adlawa.
Atol sa pagselebrar sa National Correctional Consciousness Week sa miaging semana, si Joseph Ryan Agolong, presidente sa Hugpong Ng Bagong Kabataan o HNBK dinhi sa dakbayan nakahunahuna nga mohatag ug mga pipila ka mga importanteng gamitonon sa tagsatagsa ka mga PDLs.
Ang paagi niini mao ang pagpangayo ug suporta ni Congressman Romeo “Kuya Jon” Jalosjos Jr., konsehal Angel Carreon nga kasamtangang presidente usab sa HNBK sa permirong distrito ug wala dayon sila nagduhaduha sa paghatag niini.
Malipayon ug dako nga gidawat sa 87 ka PDLs ang pack lunch lakip na ang hygiene kit sama sa sabon, shampoo, toothbrush, toothpaste, tissue ug uban pa.
Ang OIC Jail Warden nga si J/Insp. Achmed Aziz A. Pia mipadayag ug pasalamat ngadto ni Konsehal Angel Carreon ug Presidente sa HNBK dinhi sa dakbayan Joseph Ryan Agolong kon diin dako na kini ug tabang ngadto sa mga PDLs tungod kay duha na ka tuig nga walay pribilehiyo sa pagbisita agi sa pandemya.
Gipangunahan ni Konsehal Angel Carreon ug presidente sa HNBK dinhi sa dakbayan Joseph Ryan Agolong ang pagpanghatag sa mao nga programa. (CID-Marecris A.)
(Source: City Information Division-CID-Dapitan Facebook page)