Sa pagpanguna ni PMSg Reneboy Ebol, kauban ang 2nd Zamboanga del Norte Provincial Mobile Force Company (ZNPMFC), nagpatuman ang Liloy Municipal Police Station (MPS), og Oplan Bakal Sita sa Public Market sa Barangay Fatima, Liloy aron masiguro ang kaluwasan sa publiko.
Tumong sa operasyon ang pagpugong sa pagdala og mga delikadong armas sa pampublikong lugar, pagpataas sa presensya sa kapulisan, ug pagpalig-on sa proteksyon sa komunidad. Gisiguro sa kapulisan nga pinaagi sa proactive nga lakang sama niini, mapadayon ang kalinaw ug kahapsay sa lungsod.
Gipahimangnoan usab a Liloy MPS ang publiko sa pagpadayon sa kooperasyon sa mga kapulisan atol sa operasyon. Matud pa, pinaagi sa pagkahiusa sa komunidad ug kapulisan, mas mapalig-on ang seguridad ug kaluwasan sa tanan.(IKEN B. GULLEM)
Source: Liloy Municipal Police Station-ZNPPO