Nagsusi sila si Cebu Gobernador Pamela Baricuatro ug DPWH Secretary Vincent Dizon sa mga flood control projects sa Sugbo, kagahapon, nga nadaot tungod sa bagyong Tino niadtong Nobyembre 2025.
Gi-inspect nila ang mga dagkong suba sama sa Mananga River sa Talisay City ug Butuanon River nga moagi sa Cebu City ug Mandaue City.
Giduaw usab nila ang mga residente sa Villa del Rio sa Barangay Bacayan, usa sa mga lugar nga grabe naigo sa bagyo, aron masuta ang ilang kahimtang ug masiguro nga naa dayon tabang gikan sa gobyerno.
Sumala kang Dizon, gimando ni Presidente Ferdinand Marcos Jr. nga paspasan ang pag-ayo ug pagtuman sa mga proyekto batok sa baha aron mahuman kini sa dili pa magsugod ang ting-ulan.
Miingon si Dizon nga panalipdan ang mga residente sa umaabot nga ulan ug gihimo nila kini isip saad sa gobyerno nga masiguro ang kaluwasan sa mga tawo.
Source: Cebu Province PIO
I via Renante Socia Lada