Gi-aprobahan sa Zamboanga del Norte ang Provincial Nutrition Action Plan 2026–2028 aron mapakusog ang mga programa batok sa malnutrisyon sa probinsya.
Ang plano giaprubahan atol sa Joint Provincial Nutrition Meeting ug Provincial Health Board Meeting nga gipahigayon sa Capitol Building ug gitambongan ni Darel Dexter T. Uy.
Tumong sa maong plano ang pagpalig-on sa mga programa sa nutrisyon, monitoring, ug koordinasyon sa mga ahensya aron mapakunhod ang kaso sa malnutrisyon ilabina sa mga bata.
Naglaan usab ang probinsyal nga gobyerno og kapin ₱197 milyon nga pondo alang sa implementasyon sa mga programa sa nutrisyon sa tibuok probinsya.(JENIFFER JR. DELICA)
Source: Zamboanga del Norte Provincial News Network