Sikop sa gipahigayon nga joint buy-bust operation sa mga kapulisan ang usa ka notadong Street Level Individual,mga alas 9:40 ang takna sa kagabhion,Enero 28,2025, didto sa Patunan, Barangay Poblacion, Manukan, North Zamboanga del Norte.
Ang dinakpan naila nga usa ka 44 anyos,lalaki,minyo ,private driver, notadong Street Level Individual (SLI) ug residente sa naasoy nga Barangay.
Nahitabo ang pagkasikop pinaagi sa Manukan Municipal Police Station (MPS) kauban ang Police Intelligence Unit (PIU) ug 1st ZNPMFC.
Atol sa operasyon, nasakmit sa mga awtoridad gikan sa suspek mao ang Usa ka heat-sealed transparent plastic sachet nga adunay sulod nga white crystalline substance nga gituohang shabu, nga gibana-banang gibug-aton nga 0.18 gramos, nagkantidad ug Php 1,224.00. P500 bill isip Buy-bust money,Lima P1,000 bills, Lima ka P500 peso bills, Duha ka P200 peso bills, Onse ka P100 peso bills,Usa ka brown nga pitaka, Usa ka fraternity ID ug Unom ka one dollar bills.
Ang mga ebidensya sa drugas dal-on ngadto sa Zamboanga del Norte Provincial Forensic Unit (ZNPFU) ning dakbayan sa Dipolog alang sa chemical examination ug pagpatimbang.
Samtang ang dinakpan anaa na karon sa kustodiya sa Manukan MPS alang sa pormal nga pagpasaka ug kaso.(Medalyn U. Borja)
Source: ZNPPO