Sikop sa gikasa nga intelligence driven operation sa mga personahe sa kapulisan ang 4 ka indibidwal,mga alas 2:55 sa kadlawon Enero 29,2025,didto sa Purok 2, Barangay Moliton, Roxas, Zamboanga del Norte.
Ang mga dinakpan nailhan nga usa ka 29-anyos nga lalaki, minyo, factory worker, residente sa Barangay Banbanan, Roxas, ZN, usa ka 28 anyos, lalaki, ulitawo, security guard, residente sa Barangay Banbanan, Roxas, ZN,usa ka 40 anyos, lalaki, minyo, construction worker, residente sa Barangay Moliton, Roxas, ZN, usa ka 49-anyos nga lalaki, minyo, mag-uuma, residente sa Purok 2, Barangay Moliton, Roxas, ZN,kinsa gidakop sa mga personahe sa Roxas Municipal Police Station (MPS),tungod sa pagkalambigit sa ilegal nga sugal nga nailhan nga “Bagtak” nga hingpit nga nakalapas sa PD 1602.
Nakuha gikan sa possession sa mga suspek maong ang 31 ka piraso sa Mahjong tile, 2 ka piraso nga dice, Usa ka 500 Peso bill, Upat ka 1000 peso bill, duha ka 50 peso bill, duha ka baynte pesos nga sensilyo, ug Usa ka ten Peso coin.
Ang kinatibuk-ang kuwarta sa pusta nga nasakmit mikabat sa Php 1.030.00. Ang imbentaryo sa mga nasakmit nga butang gihimo sa mga operating personnel.
Samtang ang mga dinakpan gipahibalo sa ilang mga katungod sa konstitusyon, lakip ang doktrina sa Miranda ug ang balaod batok sa torture, ug gidala sila ngadto sa Roxas Rural Health Unit para sa medical examination homan gidala sa Roxas MPS para tukmang disposisyon.(MEDALYN U. BORJA)
Source: ZNPPO