Misiguro ang National Irrigation Administration–Zamboanga del Norte Regional Sub-Office (NIA ZDNRSO) sa mas lig-on nga pagdumala sa irigasyon sa ika-3 Systems Management Committee (SMC) Meeting sa Dipolog National Irrigation System (NIS) nga gipahigayon sa West End Court Hotel, Dipolog City.
Ang pagtigum nagtutok sa preparasyon sa 2025–2026 Dry Cropping Season, pagsuta sa water delivery schedules, kahandam sa sistema, ug koordinasyon sa Irrigators Associations (IAs) aron masiguro ang tukmang pag-abot sa tubig. Gipresentar usab ang proposed projects para sa 2026 alang sa modernisasyon sa irrigation facilities ug dugang suporta sa mga mag-uuma.
Gipangulohan ang miting ni Engr. Jessreel R. Intic, SMC Chairman ug Acting Manager, uban ang suporta ni Engr. Leonila Constantino sa Regional Office. Mitambong usab ang mga representante gikan sa DA, DAR, DENR, DOST, DOLE, NFA, PNP, ug LGUs sa Dipolog ug Polanco.
Nahuman ang miting uban ang komitment sa tanang ahensya sa pagpalig-on sa water management, paghatag livelihood support, ug paglig-on sa agrikultural nga komunidad. Ang SMC Meeting nagpamatuod nga pinaagi sa kooperasyon, mas episyente ug lig-on ang serbisyo alang sa mga mag-uuma.(IKEN B. GULLEM)
Source: NIA ZAmboanga Peninsula
