National Grid Corporation of the Philippines (NGCP) mitunol sa 200 food packs ngadto sa probinsya alang sa mga giilang mga kabus ug labaw’ng nahinahanglan.
Kini gidawat pinaagi ni Provincial Administrator Atty Dug Christoper Mah sulod sa iyang buhatan isip tipik sa Corporate Social Responsibility Program sa NGCP.
Matud pa ni Atty Mah nga dako kini’g ikatabang sa katawhan ilabi na ning panahon sa Pasko.
Si Teotimo Rommel P. Icao, Gov’t. Relations & Reg’l Affairs Lead Specialist nagkanayon nga ang maong programa gitawag ug TUGON Phase II, kon Tulong sa Pagbangon Covid-19 Response.
Dugang ni Icao, nga ang Zamboanga del Norte usa sa mga beneficiary sa NGCP isip host community nga maoy moapod-apod sa 200 ka house hold packages nga adunay sulod bugas, canned goods, vitamins, kape, sugar ug tulo ka klase sa seed packs.
Gipaklaro ni Mr. Icao nga mamahimong makadawat ang adunay gamay’ng garden sa tugkaran, PWD, ug ang mga pamilya nga naa ilawom sa linya sa NGCP.
Dugang niya nga isip siya ang Government Relations and Regional Affairs Lead Specialist sa Corporate Initiative and Advocacies Division (CIAD) nahisakop niya ang ang ZaNorte, Zamboanga del Sur, Zamboanga Sibugay ug Misamis Occidental alang sa District 1 sa NGCP. (Nena Garcia-PIC)
(Source: Provincial Information Center Zanorte Facebook page)