Dakpan ang usa ka bag-ong nailhan nga Street level individual,atol sa gikasa nga joint operation sa mga personahe sa kapulisan mga alas 12:25 ang takna sa kadlawon niadtong Pebrero 2,2026,didto sa Purok 2, Brgy. Gil Sanchez, Labason, Zamboanga del Norte.
Ang maong dinakpan naila usa ka
20 anyos nga lalaki, ulitawo, usa ka estudyante, ug residente sa Brgy. La Union, Labason, Zamboanga del Norte, bag-ong nailhan nga Street Level Individual (SLI) kinsa nakumpiskahan ug druga ngadto sa kapulisan pinaagi sa Municipal Drug Enforcement Team (MDET) sa Labason Municipal Police Station (Lead Unit) uban sa pakigtambayayong sa Zamboanga del Norte 2nd Provincial Mobile Force Company ug sa 901st Maneuver Company, Regional Mobile Force Battalion 9, uban sa pakigtambayayong sa PDEA Region 9 Zamboanga del Norte.
Atol sa operasyon, nakumpiska sa mga awtoridad gikan sa drug suspek ang nagkadaiyang heat sealed transparent plastic sa sachet nga adunay sulod sa gituohang shabu, Usa ka piraso nga GSM blue cup nga gigamit nga sudlanan ug Usa ka piraso nga tinuod nga singko-gatos ka pesos nga kwarta (P500.00) nga gigamit isip buy-bust money.
Ang kinatibuk-ang gibanabanang gibug-aton sa nakumpiska nga gidudahang ilegal nga droga mutimbang sa 2 gramos, nga adunay gibanabanang presyo nga P13,600.00.
Ang nakumpiska nga mga butang sa droga gitugyan ngadto sa Zamboanga del Norte Provincial Forensic Unit (Satellite Office, Liloy) alang sa qualitative ug quantitative nga eksaminasyon.
Ang dinakpan gidala sa Labason District Hospital alang sa medical ug physical examination ug kasamtangang gibilanggo sa Labason lock-up cell alang sa hustong legal nga disposisyon tungod sa paglapas sa Republic Act No. 9165.(MEDALYN U. BORJA)
Source: ZNPPO